2/23/2013 03:44:00 AM
Har
Երկար տարիներ, մինչև Սովետական Միության փլուզումը, փետրվարի 23-ը՝ Կարմիր բանակի օրը, տոնվում էր՝ որպես Տղամարդանց տոն (այն համարժեք էր մարտի 8-ի Կանանց տոնին): Մինչ օրս էլ, սակայն, սովետական բանակում ծառայած վետերանները գնում են «Հաղթանակ» զբոսայգի և ծաղիկներ ու ծաղկեպսակներ դնում Հայրենական պատերազմում զոհվածների «Անհայտ զինվորի գերեզմանի» անմար կրակի մոտ:
Ընդունված էր համարել, որ 1918թ. փետրվարի 23-ին Կարմիր գվարդիայի ջոկատներն առաջին անգամ հաղթանակ տարան կայսերական Գերմանիայի դեմ: Հենց այդ առաջին հաղթանակներն էլ հանդիսացան «Կարմիր բանակի ստեղծման» պատճառները:
1922 թվականին այդ օրը պաշտոնապես հայտարարվեց Կարմիր բանակի օր: Ավելի ուշ ԽՍՀՄ-ում փետրվարի 23-ը սկսեցին նշել՝ որպես Խորհրդային բանակի և ռազմա-ծովային նավատորմի համազգային օր: Խորհրդային միության փլուզումից հետո այդ օրը վերանվանվեց Հայրենիքի պաշտպանի օր:
Որոշ մարդկանց համար փետրվարի 23-ը, այնուամենայնիվ, հանդիսանում է բոլոր այն տղամարդկանց օրը, ովքեր ծառայում կամ ծառայել են բանակում կամ այլ ցանկացած ուժային կառուցում:
